Hekk kif kien ser jingħata bidu ghat- tieni semestru tas-sena skolastika l-istudenti tal-ewwel sena gew mgħarfa li minbarra l-lectures li jkollhom kuljum, ser jiżdidilom programm tat-tagħlim tal-Ingliż.
“English Communicative Aptitude Programme” , kif inhu msemmi dan il-programm, ser ikun fit-timetable tal-istudenti darba fil-Ä¡imgħa, b’hin ta’ sagħtejn kull darba. Dan il-programm huwa immirat biex jigi mtejjeb il-livell tal-Ingliż fost l-istudenti, biex dan jgħinhom fl-istudji taghhom kif ukoll ghall-futur tagħhom. Personalment naqbel ferm li t-tagħlim tal-Ingliz għandu jingħata importanza kbira hekk kif il-lingwa Ingliza hija wahda mill-lingwi ufficjali ta’ pajjizna u mhux biss, tgħaqqadna ma’ ħafna pajjizi madwar id-dinja. Huwa fatt li hafna studenti qed ibatu fil- lingwa Ingliża, kemm biex jiktbu kif ukoll biex jesprimu ruħhom, u għalhekk dan il-programm ser iservi ta’ għajnuna kbira għal dawn l-istudenti.
Punt li xtaqt inqajjem huwa li l-istudenti ma kellhomx l-iÄ‹ken ideja dwar dan il-programm, la fil-bidu tal-ewwel semestru u lanqas qabel dahlu l-Universita’ biex jibdew l-istudji tagħhom. Għalfejn l-istudenti gew mgħarfa issa li jridu jattendu dan il-programm ?
Huwa veru li huwa ta tħassib il-livell tal-Ingliz fost l-istudenti tal-Universita’ izda dan ma jfissirx li dan huwa tort tagħhom biss. Kien ikun ferm aħjar li kieku lingwa Ingliża baqgħet tigi mgħallma fil-livell post-sekondarju milli instabet soluzzjoni ta’ malajr minn lejl għal nhar u dan il-programm sar obligtorju ghal-istudenti tal-ewwel sena. Jider biÄ‹-Ä‹ar li jista’ jkun hemm nuqqas ta’ pjanijiet meta ttiehdet din id-decizjoni u biż-żieda ta’ dan il-programm ma jfissirx li ser tissolva l-problema.
Huwa wkoll ta’ diżżapunt kbir għal ħafna studenti li gabu l-ezami tal- Ingliż kemm f’ livell Avvanzat kif ukoll f’ livell Intermedju D jew E u xorta ser ikollhom jagħmlu dan il-programm.
Personalment għalkemm naqbel ferm li ghandu jitjieb il-livell tal-Ingliz fost l-istudenti, seta għallinqas dan il-programm nbeda fil-bidu tas-sena u mhux f’ nofs is-sena għax xi ftit jew wisq issa ha jkun jidher ftit zejjed.
